Kalli video Yadda wani Magidanci Ya Kashe Matarsa Saboda Ta Shanye Masa Koko

Lamarin ya matukar daga hankalin mutane dake wannan garin domin abun akwai rashin imani ace miji ya kashe matarsa har lahira.

Matar ta rasa rantane a wani kauyen kadaura dake karamar Hukumar Rafi a jihar Neja bayan mijin nata dan shekara 20 yayi mata dukan kawo wuka wanda hakan yayi sanadiyyar mutuwarta har lahira Innalillahi wa’inna raji’un.

Kakakin ’yan sanda a Jihar Neja, DSP Wasiu Abiodun, ya ce, “Wanda ake zargin ya amsa cewa ya yi matar tasa duka saboda dan sabanin da suka samu a kan koko.

“Nan take ta fadi magashiyyan, aka dauke ta ranga-ranga zuwa Babban Asibitin da ke garin Wushishi inda likitoci suka tabbatar cewa rai ya yi halinsa.”

Hukumar yan sandan dake yankin sun tabbatar da cewar mijin matar yananan a hannun hukuma domin ya girba abinda ya shuka na rashin tausayi da rashin imani.

“An riga an fara bincike kuma da zarar an kammala za a gurfanar da wanda ake zargin a gaban kotu,” inji DSP Wasiu Abiodun.

Kucigaba da bibiyar shafinmu maisuna Arewajoint domin samun labarai cikin sauki akoda yaushe mungode.